یوم پاکستان کے موقع پر مسلح افواج کی پریڈ کو شدید موسم اور بارش کی پیشنگوئی کی وجہ سے ملتوی کیا گیا تھا جو آج جوش و جذبے کے ساتھ منایا گیا۔ گذشتہ برس کورونا وائرس کی وجہ سے پریڈ کا انعقاد ممکن نہیں ہو سکا تھا۔پاکستان کی تینوں مسلح افواج بری فوج، فضائیہ اور بحریہ کے علاوہ سٹرٹیجک فورسز نے فوجی قوت کا اظہار کیا۔ پریڈ دیکھنے والوں میں فوجی حکام، سفارت کار، حکومتی شخصیات، سیاسی رہنما اور عوام کی ایک کثیر تعداد شامل تھی۔ کورونا وائرس کی موجودگی اور پھیلاؤ کے دوران مسلح افواج کے اہلکار اور پریڈ دیکھنے والے تماشائی دونوں ہی حکومت کی تیار کردہ احتیاطی تدابیر (ایس او پیز) پر عمل کرتے ہوئے پریڈ سے لطف اندوز ہوئے۔
