گوادر میں شہریوں کو صاف پانی مہیا کرنے کے لیے حکومت بلوچستان کا مختلف منصوبوں پر کام جاری ہے۔اداره ترقیات گوادر نے شہر میں بلاتعطل صاف پانی فراہمی کیلئے گوادر شہر کو دو نئے تعمیر شدہ ڈیمز شادی کور اور سوڈ ڈیم کے ساتھ منسلک کیا گیا ہے جو کہ 152 کلومیٹر پر مشتمل پائپ لائن بچھایا گیا ہے۔ روزانہ شہر کو 30لاکھ گیلن پانی کی بلاتعطل فراہم کیا جاتا ہے۔ جبکہ شہر کے اندر نئی ڈسٹربیوشن لائن ڈالی جارہی ہے جو کہ تکمیل کہ آخری مراحل میں ہے۔ شہر کے تین مختلف مقامات پر تین انڈر گراؤنڈ واٹر اسٹوریج ٹینک تعمیر کیئے جارہے ہیں جنکی مجموعی اسٹوریج کپسٹی تقریباً ساڑھے تین ملین گیلن ہے۔
