صدر مملکت ڈاکٹر عارف علوی کی اپیل پر ملک بھر میں کورونا وائرس کی وباء سے نجات کے لیے آج جمعے کا دن ’یومِ توبہ و استغفار‘ کے طور پر منایا جا رہا ہے۔آج ’یومِ توبہ و استغفار‘ منانے کے لیے وزارتِ مذہبی امور نے صدرِ مملکت ڈاکٹر عارف علوی کی ہدایت پر نوٹیفکیشن جاری کر دیا۔صدرِ مملکت ڈاکٹر عارف علوی نے اس سلسلے میں اپیل کی ہے کہ عوام کورونا وائرس سے نجات کے لیے اس جمعے نمازِ استغفار ادا کریں۔
وزارتِ مذہبی امور کے مطابق آج ’یومِ توبہ و استغفار‘ منانے کا مقصد دعا و استغفار کے ذریعے کورونا وائرس کی وباء سے نجات حاصل کرنا ہے۔
