بلوچستان پاکستان کا رقبہ کا لحاظ سے سب سے بڑا اور معدنیات کے لحاظ سے اہم ترین صوبہ ہے۔ اس کے شمال میں خیبر پختون خواہ اور افغانستان، جنوب میں بحیرۂ عرب، مشرق میں سندھ اور پنجاب جب کہ مغرب میں ایران واقع ہے۔ یہ سرزمین پہاڑ، میدان اور ریگستانی علاقوں کو ملا کر سمندری اہمیت میں بھی کوئی ثانی نہیں رکھتی۔ سی پیک نے اس صوبے کی اہمیت مزید بڑھا دی ہے۔ بلوچستان کی سرزمین ہر لحاظ سے ملک کے وسائل میں ریڑھ کی ہڈی کی مانند کردار ادا کرتی ہے اور سالانہ ملکی خزانے میں اربوں روپے کا اضافہ کرتی ہے۔ ملک بھر میں معدنیات کے نو بڑے قدرتی ذخائر موجود ہیں ۔جن میں کوئلے، گیس، سونا اور چاندی سے لے کر تیل کے وسیع ذخائر تک کے شواہد ملے ہیں اور ان معدنیات کی تعداد پچاس سے اوپر تک جا پہنچی ہے۔ بلوچستان کی معدنیات دنیا کی بیش قیمت معدنیات میں شمار ہوتی ہیں اور یہاں اتنے قدرتی وسائل موجود ہیں جن کا اگر صحیح طریقے سے استعمال کیا جائے، تو نہ صرف بلوچستان بلکہ پورے پاکستان کو ترقی کی راہ پر گامزن ہونے سے کوئی نہیں روک سکے گا، دنیا میں تجارت کا اہم مرکز گوادر ہونے
کے باعث عالمی طاقتوں سمیت خطے کے تمام ممالک کی نظریں بلوچستان پر مرکوز ہیں۔ حکومت کی دن رات انتھک محنت اور بلوچستان کے محب وطن عوام کے ساتھ تعاون سے آج بلوچستان مکمل امن کا گہوارہ نظر آتا ہے۔ سی پیک کے مرکز گوادر سے صوبے کے ہزاروں افراد کو روزگار مل رہا ہے۔ بلوچستان میں برسر اقتدار آنے والی نئی حکومت خدمت کے جذبے سے سرشار مسلسل دن رات صوبے کی ترقی کے کوشاں ہے۔۔۔۔
