بلوچستان کےشہرگوادرکانیا بین الاقوامی ہوائی اڈہ چین پاکستان اقتصادی راہداری کا ایک اہم منصوبہ ہے۔جو چین کے ون بیلٹ ون روڈ پراجیکٹ کا بنیادی حصہ ہے۔پاکستان کے صوبہ بلوچستان میں 246 ملین ڈالر کی لاگت سے تعمیر ہونے والا سب سے جدید اور سب سے بڑا نیا گوادر انٹرنیشنل ایئرپورٹ ستمبر 2023 تک فعال ہو جائے گا جس سے اس بندرگاہی شہر میں مقامی اور بین الاقوامی پروازوں کا ایک نیا سلسلہ جاری ہونے والا ہے۔
حکومتی ذرائع کے مطابق 4,300 ایکڑ رقبے پر تعمیر کیے جانے والے ہوائی اڈے کے مختلف یونٹس تعمیر کے مختلف مراحل میں ہیں اور ہوائی اڈے کے مجموعی تعمیراتی عمل کو ستمبر 2023 سے قبل مکمل کر لیا جائے گا، نیا گوادر بین الاقوامی ہوائی اڈہ پاکستان سول ایوی ایشن اتھارٹی کے زیر انتظام ہے اور یہ پاکستان، عمان اور چین کے درمیان سہ فریقی مشترکہ منصوبہ ہے۔یہ منصوبہ گوادر کی ترقی میں اہم کردار ادا کرئے گا جس کی بدولت پاکستان اور چین کے درمیان تجارت کو فروغ ملے گا، اور خطے کی جغرافیائی و سیاسی حیثیت کو سرمایہ کاری اور تجارتی مرکز میں تبدیل کر دے گا۔
