لنجو واٹر پارک کے نام سے یہ تفریحی مقام کوئٹہ شہر سے کوئٹہ کراچی شاہراہ پر جنوب مغرب میں صرف 15 سے 20 کلومیٹر کے فاصلے پر واقع ہے
بڑھتی ہوئی مصروفیات کے باعث لوگوں کے پاس دور دراز کے حسین قدرتی مناظر سے لطف اندوز ہونے کے لیے اول تو وقت نہیں ہوتا یا اگر وقت ہو تو سب کے پاس اتنے وسائل نہیں ہوتے کہ وہ وہاں جا کر ان سے لطف اندوز ہو سکیں۔
ایسی ہی ایک کوشش پاکستان کے صوبہ بلوچستان میں کوہ چلتن کے دامن میں دشت کے علاقے میں کی گئی ہے جہاں قدرتی ماحول کو بلوچوں اور پشتونوں کے ثقافتی رنگ سے مزین کرنے کی بھی کوشش کی گئی ہے۔
دیگر علاقوں میں جدید قیام گاہیں اور ہٹس وغیرہ بنائے جاتے ہیں لیکن یہاں ایسا کرنے کے بجائے گدان یا کژدی (روایتی خیمے) لگائے گئے ہیں جن سے پرانے زمانے کی یاد تازہ ہوتی ہے۔۔
