اگر قدرت کے حسین نظاروں کا ذکر کریں تو بلوچستان ایسے دلکش مناظر سے مالا مال ہے جہاں قدرت نے انسانی سوچ سے زیادہ حسن بکھیرا ہے۔ لیکن بدقسمتی ہے کہ ہمارے بہت سے سیاحتی مقام لوگوں کی نظروں سے پوشیدہ ہیں۔ نظر انداز کئے گئے انہی مقامات میں سے ایک بلوچستان کا ایک جزیرہ “استولا” بھی ہے، جسے ‘سات پہاڑیوں کا جزیرہ’ بھی کہا جاتا ہے۔
بلوچستان کے ضلع پسنی سے چالیس کلومیٹر دور اس سحر انگیز جزیرے کو مقامی لوگ “ہفت تلار” بھی کہتے ہیں۔ بلوچستان کا یہ گوہر نایاب آج بھی سیاحوں اور حکام کی توجہ کا منتظر ہے۔ سیاح کسی بھی ملک کے لئے سفیر کا کردار ادا کرتے ہیں۔ اور بلوچستان کی خوب صورتی اور مثبت تصویر کو دکھانے کے لئے حکام کو سیاست کے ساتھ ساتھ سیاحت پر بھی توجہ دینے کی ضرورت ہے۔
